Куат Хамитовтың келесі жекпе-жегі қашан өтеді?
Жекпе-жек
Әлеуметтік желі
Қазақстандық спортшы Куат Хамитов пен ресейлік Мариф Пираев арасындағы кейінге қалдырылған жекпе-жектің қашан өтетіні жарияланды, деп хабарлайды Bassport.kz.
Бокс ережелері бойынша өтетін бұл жекпе-жек 28 ақпан күні Астана қаласында ұйымдастырылады.
Еске салсақ, бастапқыда Хамитов пен Пираев 27 желтоқсанда Алматыда кездесуі тиіс болатын, алайда қазақстандық спортшы денсаулығына байланысты кездесуден бас тартқан еді.
«Мен жарақатпен жекпе-жектерге шыққым келмейді! Сондықтан келесі кездесуде көрісеміз», — деп жазды Хамитов сол кезде.
Айта кетейік, Куат Хамитовтың ММА-дегі соңғы жекпе-жегі мамыр айында өтті. Ол ресейлік танымал спортшы Александр Шлеменкомен (67-15-1) кездесіп, төрешілер шешімімен жеңіліс тапқан болатын.