“Барселона” Левандовскийдің шағымдарынан кейін кәсіби аспаз жалдауды жоспарлауда
Футбол
Getty Images
“Барселона” футбол клубының бас бапкері Ханс-Дитер Флик командаға кәсіби аспаз шақыруды ұсынды. Мұндай шешім Роберт Левандовскийдің сапарлардың бірінде тағамның сапасына, әсіресе жұмыртқа дайындау тәсіліне шағымдануынан кейін қабылданған, деп хабарлайды Sport.es.
Клуб бірнеше аптадан бері жаңа аспаздарды іздестіруде. Алайда, клубтағы қаржылық жағдайға байланысты жоғары білікті мамандардың талаптарын қанағаттандыру қиын болып тұр.
Айта кетейік, Роберт Левандовский биылғы маусымда “Барселона” сапында 24 матч өткізіп, 23 гол соғып, 2 нәтижелі пас берген. Қазір “Барселона” Испания чемпионатында 38 ұпаймен үшінші орында тұр.