Шавкат Рахмонов 2025 жылға жағымсыз жаңалық естіді
Жекпе-жек
Sports.kz
Канадалық сарапшы Джеймс Линч қазақстандық UFC файтері Шавкат Рахмоновтың (19-0) алдағы чемпиондық жекпе-жегінде жеңіске жетпей, американдық Белал Мухаммадтың (24-3) чемпиондық белбеуін сақтап қалатынын мәлімдеді, деп хабарлайды Bassport.kz Sports.kz сілтеме жасап.
— Қазіргі уақытта жартылай орта салмақтағы UFC чемпионы Белал Мухаммад. Меніңше, ол жыл соңында да сол атағын сақтап қалады. Бұл ақылға сыймайтындай көрінетін шығар, өйткені оның жасы 36-да, бірақ дәл осылай Леонды жеңеді деп ешкім күтпеген еді.
Шавкатқа келсек, оның әлсіз тұстары бар. Біз оның Гэрриге қарсы жарақатпен шыққанын білеміз, бірақ Шавкаттың күреске қатысты әлсіз жақтары бар екені байқалады. Әсіресе, қарсыластарын партерге түсіру жағынан. Біз одан ерекше күрестік техниканы көрмедік. Егер Гэрри екеуінің реваншы өтсе, Гэрри жеңіске жетуі мүмкін. Бірақ дәл қазір мен Белалды таңдаймын. Менің ойымша, ол 2025 жылдың соңына дейін чемпион болып қалады, — деді Линч.