Елена Рыбакина Швентекке есе жіберіп, Қазақстан жарыс жолынан шығып қалды
Теннис
WTA
Қазақстандық теннисші Елена Рыбакина (WTA рейтингінде 6-орында) United Cup-2025 турнирінің жартылай финалында польшалық Ига Швентекпен (2-орын) кездесті.
Австралияда өткен матчта Швентек екі сетте жеңіске жетті — 7:6, 6:4. Бұл нәтижемен Польша құрамасы турнирдің финалына жолдама алды.
Ал ерлер арасындағы кездесуде Александр Шевченко (ATP рейтингінде 78-орында) польшалық Хуберт Хуркачқа (16-орын) 3:6, 2:6 есебімен есе жіберді.
Қазақстан құрамасы топтық кезеңде Испанияны (2:1) және Грекияны (3:0) жеңіп, ширек финалда Германиядан басым түсті (2:1). Польша құрамасы да өз тобында Норвегияны (2:1) және Чехияны (2:1) ұтып, ширек финалда Ұлыбританияны (3:0) жеңген болатын.