Ұлттық банк Қазақстан футбол клубтарымен байланысты жаңа коллекциялық монеталар шығарады
Qogam News
Қазақстан Ұлттық банкі Қазақстан футбол федерациясымен бірлесіп, «Қазақстанның футбол клубтары» атты 13 түрлі коллекциялық монетаны айналымға шығармақ, деп хабарлайды Bassport.kz Qogam News телеграм арнасына сілтеме жасап.
Жаңа коллекцияда 2024 жылғы маусымда Қазақстан Премьер-лигасында ойнаған футбол клубтарының логотиптері бейнеленген. Сонымен қатар, “Қазақстан футбол федерациясы” монетасы да таныстырылды.
Монеталар мельхиордан (МН 25) жасалған, салмағы 15 грамм, диаметрі 33 мм. Олардың сапасы Brilliant Uncirculated деңгейінде, номиналы 200 теңгені құрайды. Әрбір түрдің тиражы 7 000 дана, оның 5 000-ы жеке блистерде, ал қалған 2 000 данасы “Қазақстанның футбол клубтары” атты сувенирлік жиынтықпен ұсынылады.
Бұл коллекциялық монеталар футбол жанкүйерлері мен коллекционерлер үшін ерекше сыйлық әрі спорттың дамуына арналған символ болмақ.