Михаил Гурман – «Астана» футбол клубының Директорлар кеңесінің төрағасы
ФК “Астана”
Тәжірибелі қазақстандық маман Михаил Гурман «Астана» футбол клубының құрылтайшыларының шешімімен Директорлар кеңесінің төрағасы болып тағайындалды, деп хабарлайды Bassport.kz “Астана” футбол клубының баспасөз қызметіне сілтеме жасап.
Футболшы ретінде Михаил Ильич «Орбита», «Қайрат», «Трактор», «Шахтер» және «Жетісу» командаларында өнер көрсетті. Менеджер ретінде ол Қазақстан футбол федерациясында, ҚР Спорт және туризм министрлігінде, Кәсіби футбол лигасында қызмет етті.
2019-2021 жылдары «Астана» клубының президенті болып, осы уақытта клуб чемпиондық атаққа қол жеткізіп, Еуропа лигасының топтық кезеңіне шығып, «Манчестер Юнайтедті» жеңген болатын. 2024 жылдың мамыр айында Михаил Ильич елордалық клубтың директорлар кеңесіне енді.
Бұрын Директорлар кеңесінің төрағасы қызметін атқарған Саян Хамитжанов жаңа жұмысқа ауысуына байланысты қызметінен кетті.