Шавкат Рахмонов: «Геннадий Головкин — бәріміз үшін үлгі»
Жекпе-жек
Әлеуметтік желі
UFC-дің жеңіліп көрмеген қазақстандық жұлдызы Шавкат Рахмонов Геннадий Головкиннің спорттағы жетістіктерінен қалай шабыт алғанын айтып берді, деп хабарлайды Bassport.kz.
— Иә, Геннадий Головкин — мен әрдайым бақылап жүрген тұлғалардың бірі. Оны Қазақстанда бәрі біледі. Біздің бәріміз оның жекпе-жектерін көріп өстік. Қазір ол спорттық мансабын аяқтағанымен, елдегі спортты дамытуға үлкен үлес қосып жүр, — деді Рахмонов «Чейл Соннен на русском» YouTube арнасына берген сұхбатында.
Айта кетейік, GGG өзінің соңғы жекпе-жегін 2022 жылдың қыркүйегінде өткізген. Қазіргі таңда Геннадий Головкин Қазақстан Ұлттық Олимпиада комитетінің президенті қызметін атқарып, отандық спортты дамыту жолында белсенді жұмыс істеп жүр.