Шавкат Рахмонов қанша ақша табатыны белгілі болды
Жекпе-жек
Getty Images
Sportal Mag порталы 8 желтоқсан күні Лас-Вегаста өтетін UFC 310 турнирінде бақ сынайтын спортшылардың сыйақы көлемін жариялады.
Қазақстандық файтер Шавкат Рахмонов ирландиялық Иэн Гэрримен болатын жекпе-жек үшін 350 мың доллар кепілді сыйақы алады. Егер жеңіске жетсе, бұл сомаға қосымша 100 мың доллар қосылады.
Иэн Гэрридің кепілді сыйақысы 150 мың долларды құрайды, оған жеңіс үшін тағы 100 мың доллар беріледі.
Турнирдің ең үлкен гонорары кештің басты жекпе-жегінде өнер көрсететін бразилиялық Алешандре Пантожаға тиесілі — 750 мың доллар. Ал оның қарсыласы жапондық Кай Асакура 500 мың доллар көлемінде сыйақы алады.