Ғұсман Қырғызбаевқа жаңа автокөлік сыйлады (ВИДЕО)
Дзюдо
Автордан фото
Париж Олимпиадасының қола жүлдегері Ғұсман Қырғызбаевқа тағы бір автокөлік сыйға тартылды.
Бұл жолы Түркістан облысының Ордабасы ауданының кәсіпкерлері дзюдошыға су жаңа «HAVAL» көлігінің кілтін табыстады.
Күні кеше Ордабасы ауданында дзюдодан жасөспірімдер арасында Ғұсман Қырғызбаев атындағы республикалық турнир аяқталды. Ашылу салтанатына Олимпиада жүлдегері өзі қатысып, жас спортшыларға қолдау көрсетті. Турнир аясында жерлестері құрмет ретінде жаңа көліктің кілтін табыстаған.
Ғұсман Қырғызбаев автокөлікті сол жерде қабылдап, қолдау білдірген азаматтарға алғыс айтты.
Айта кетейік, Ғұсман Қырғызбаев 66 келі салмақта Париж Олимпиадасында қола жүлде иеленген болатын. Бұған қоса, ол әлем чемпионатының күміс жүлдегері және Азия чемпионатының екі дүркін қола жүлдегері. Олимпиададан кейін демеушілердің сыйға тартқан көліктері спортшыға зор құрметтің белгісі болып отыр.