Нұрқожа Қайпанов әлем чемпионатының финалына шықты
Күрес
Спортты дамыту дирекциясы
Еркін күрестен ел намысын қорғап жүрген Нұрқожа Қайпанов Тиранада өтіп жатқан әлем чемпионатының финалына шықты, деп хабарлайды Bassport.kz
Жартылай финалда ол тәжік балуаны Абдулмажид Кудиевті 13:2 есебімен ұтып, шешуші кезеңге жолдама алды.
Бұл Қайпанов үшін әлем чемпионатындағы екінші финал болмақ. 2019 жылы ол елордада өткен додада күміс жүлдені еншілеген.
Финалда отандасымыз жапон спортшысы Йошиносукэ Аоягимен белдеседі. Кездесу ертең сағат 22:00-де өтеді.