ҚПЛ: «Ақтөбе» мен «Ордабасы» ұпай жоғалтты
arena.olimpbet.kz
Футболдан Қазақстан Премьер-лигасының 19-турында «Ақтөбе» мен «Ордабасы» қарсыластарына есе жіберді, деп хабарлайды Bassport,kz ҚазАқпаратқа сілтеме жасап.
Ақтөбелік клуб өз алаңында Семейдің «Елімайымен» кездескен еді. Ойын алаң иелері үшін сәтті басталған. Небәрі 3-минутта қарсыластар қақпасына белгіленген пенальтиден ақтөбелік қорғаушы Әлібек Қасым мүлт кеткен жоқ. Ары қарай семейлік клуб қарқынды үдетті. Карпович жаттықтыратын команда сапынан Самюэль Одеоибо 31, Аслан Дарабаев 53, Роман Мұртаазев 94-минутта үш голмен жауап қатты. Осылайша «Ақтөбе» қарсыласынан 1:3 есебімен жеңіліп қалды.
«Ордабасы» да сырт алаңда Қызылорданың «Қайсарына» 1:2 есебімен жол берді. Ойынның 16-минутында шымкенттік клуб сапынан Игорь Пластун мергендік танытқан. Дегенмен қызылордалық клуб екі гол соғып, жеңісті жұлып алды. «Қайсар» командасынан Думан Нәрзілдаев 65, Виталий Приндета 70-минутта көзге түсті. Ал, «Тобыл» мен «Атырау» командалары 1:1 есебіне қанағат білдірді.