«Алтын доп» иегері “Месси немесе Роналду?” деген сауалға жауап берді
Футбол
Sports24
Испания құрамасы мен «Манчестер Сити» командасының жартылай қорғаушысы және 2024 жылғы «Алтын доп» иегері Родри, Лионель Мессиді футбол тарихындағы ең үздік ойыншы деп атады.
«Лионель Месси – барлық уақыттың ең ұлы ойыншысы, бұл сөзсіз. Криштиану туа біткен талантсыз-ақ Мессиге теңесу мүмкіндігін жасай алды. Бірақ біз, олармен ойнаған футболшылар, айырмашылықты байқаймыз. Мессимен алаңның кез келген нүктесінде қауіп бар еді. Ол допты алғанда, сіз: “Бұл қауіпті” деп ойлайсыз. Мен онымен алғаш рет ойнағанымда, допты тартып алуға тырыстым, бірақ ол рингтегі бұқадан қашқандай айналып өтіп кетті», – деді Родри El Hormiguero басылымына берген сұхбатында.
Осылайша, Родри аргентиналық футболшының алаңдағы әмбебаптығы мен ерекше шеберлігін атап өтті.