Жеңіл атлет 37 жыл ешкім еңсере алмаған әлемдік рекордты жаңартты
![Жеңіл атлет 37 жыл ешкім еңсере алмаған әлемдік рекордты жаңартты | BASSPORT Жеңіл атлет 37 жыл ешкім еңсере алмаған әлемдік рекордты жаңартты](https://bassport.kz/storage/2024/07/09/yOAr7Lmmmyqux6RTkIqt0TJvbVrvNgKadTWQfgO4.webp)
Nur.kz
7 шілдеде 22 жастағы украиналық жеңіл атлет Ярослава Магучих 37 жыл бойы бірде-бір спортшы еңсере алмаған рекорды жаңартты, деп хабарлайды BasSport.kz.
Nur.kz сайтының мәліметінше, спортшы биіктікке секіруден 2,10 метр көрсеткішін тіркеп, тарихи жетістікке қол жеткізген.
Нақтырақ айтар болсақ, жеңіл атлетикадан Мажарстанның Будапешт қаласында өткен әлем чемпионатында украиналық Ярослава Магучих биіктікке секіруден сынға түсті. 22 жастағы спортшы бастапқы мүмкіндіктерінде 2,07 метр нәтижені көрсетіп, өзгелерден оқ бойы озық болып, жарыстың жеңімпазы атанып қойған еді. Ал өзінің соңғы мүмкіндігінде 2,10 метр биіктікті бағындырып, осы уақытқа дейін болгариялық Стефка Костадиноваға (2,09 метр) тиесілі рекордын бұзды.
Болгариялық жеңіл атлет бұл рекордты 1987 жылы тамызда орнатты. Бұл рекордты жаңартуды бұған дейін хорватиялық спортшы Бланка Влашич талпынған болатын. Ол 2007 және 2009 жылдары әлем чемпионы атанған. Хорватиялық спортшы бірнеше мәрте 2,10 метр биіктікті бағындыруға тырысқан, бірақ қолынан келмеген еді.
Айта кетейік, 2021 жылы Ярослава Магучих Токио Олимпиадасының қола медалін жеңіп алды. Сонымен қатар украиналық спортшы әлем чемпионы және Еуропаның екі дүркін жеңімпазы. Сондай-ақ оның еншісінде әлем чемпионатының екі күмісі бар.