Ұлттық баскетбол қауымдастығында сирек кездесетін жағдай болды

Баскетбол
Ұлттық баскетбол қауымдастығында соңғы сегіз жылда болмаған оқиға болды, деп хабарлайды BasSport.kz.
Бүгін Ұлттық баскетбол қауымдастығының тұрақты чемпионатының кезекті матчында "Нью-Йорк Никс" "Филадельфия Сиксерспен" ойнады. Кездесуде 79:73 есебімен "Сисксерс" жеңіске жетті.
Бұл нәтиженің бір қызығы, екі команда да кездесуде 80-нен астам ұпай жинай алмады. Соңғы рет Ұлттық баскетбол қауымдастығында мұндай жағдай 2016 жылдың қаңтарында "Миннесота Тимбервулвс" пен "Денвер Наггетс" арасындағы ойында болған еді. Сол кездесу 78: 74 есебімен аяқталған.
Айта кетейік, бүгінгі матчта "Нью-Йорк" ойыншылары өз соққыларының 32,5%, ал "Филадельфия" 38,8% жүзеге асыра алды.