Стэнли Кубогы финалының ойын кестесі жарияланды
Хоккей
Ұлттық хоккей лигасы Стэнли кубогы финалының ойын кестесін жариялады, деп хабарлайды BasSport.kz тілшісі.
“Вегас Голден Найтс” пен “Флорида Пантерз” командалары арасындағы финалдық серия 4 маусым күні басталады.
Екінші ойын 6 маусым, үшінші және төртінші матчтар 9-11 маусым күндері өтеді. Қажет болған жағдайда 14, 17 және 20 маусым күндері де матчтар болады.
Серияның алғашқы екі ойыны Лас-Вегаста өтеді және барлық ойындар Астана уақытымен таңғы 06:00-де басталады.