Қазақстандық мерген әлем кубогының қола жүлдегері атанды
Басқа
Бұл күндері Үндістанның Бхопал қаласында винтовка және тапаншамен нысана көздеуден Әлем кубогының кезеңі өтіп жатыр, деп хабарлайды Bassport.kz.
Бүгін әйелдер арасында10 метрден пневматикалық винтовкамен оқ атудан қазақстандық Александра Ле қола медальге ие болды. Ол бұл сында 261.2 ұпай жинады. Алтын қытайлық спортшының еншісінде кетсе (265.7 балл), екінші орынға Токио Олимпиадасының күміс жүлдегері америкалық Мэри Такер қол жеткізді. Мадхья-Прадеш штатындағы бұл жарысқа әлемнің 31 елінен 208 таңдаулы спортшы жиналды.
Бұл қатарда 18 қазақстандық бар. Әлем кубогының кезеңі 27 наурызда аяқталады.