Таразда бокстан ересектер арасында Қазақстан чемпионатының жеңімпаздары белгілі болды

Алматылық «Қайрат» футбол клубы УЕФА Конференциялар лигасының жалпы кезеңіндегі үшінші турда Италияның «Аталанта» командасымен сенсациялық нәтижеге қол жеткізді, деп хабарлайды Bassport.kz ҰОК-ге сілтеме жасап. 

5 қараша күні Бергамо қаласында өткен кездесу 1:1 есебімен тең аяқталды. Бірінші таймда екі команда да шабуылда белсенділік танытты. Алаң иелері бірнеше қауіпті мүмкіндік жасағанымен, «Қайрат» қақпашысы Темірлан Анарбеков командасын бірнеше рет голдан құтқарып қалды. Екінші таймның 53-минутында алматылықтар жылдам қарсы шабуыл ұйымдастырды. Испаниялық шабуылшы Марк Гуаль қақпашымен бетпе-бет шығып, допты торға тоғытты. Осыдан кейін «Аталанта» қысымды күшейтті. 82-минутта Никола Крстович Анарбековтің қателігін пайдаланып, есепті теңестірді. Қалған уақытта есеп өзгерген жоқ. Осылайша, «Қайрат» Италиядағы күрделі кездесуде бір ұпай еншілеп, жанкүйерлерін қуантты. Бұған дейін алматылық клуб Латвияның «Рига» командасымен 1:1 есебімен тең ойнап, Грекияның «Панатинаикосынан» 1:5 есебімен жеңілген болатын. «Қайраттың» келесі кездесуі 26 қарашада Алматыда өтеді. Қазақстандық команда Швецияның «Мьельбю» клубын қабылдайды.