Жылды “Сибирьмен” болар ойынмен қорытындылайды
Құрлықтық хоккей лигасы тұрақты маусымы аясында “Барыс” 2022 жылдағы соңғы матчын сырт айдында “Сибирьге” қарсы өткізеді, деп хабарлайды bassport.kz тілшісі.
Екі команда бір-біріне қарсв осыдан шамамен екі ай бұрын ойнаған. Қарашаның басында болған кездесуде “Барыс” 3:1 есебімен жеңіске жеткен.
Астаналық ұжым сырт айдындағы алғашқы ойынын “Авангардқа” қарсы өткізіп, 5:2 есебімен жеңілді. Бұл матчта Линден Вей 10 ойынға созылған нәтижелі соққысыз сериясын үзсе, Егор Петухов маусымда екінші рет лакросс гол соқты.
Ал “Сибирь” болса, осыдан 5 күн бұрын “Металлургте” қонақта болып, айдын иелерін буллиттер соққысында 2:3 есебімег жеңіп кеткен.
Шығыс конференциясының турнирлік кестесінде “Барыс” сегізінші орында тұрса, қазақстандық команданың бүгінгі қарсыласы үздік үштікті түйіндеп тұр.
Матч Астана уақытымен 18:30-да басталады, оның тікелей көрсетілімін BasSport.kz сайтының “Трансляциялар” бөлімінен көруге болады.