“Қайсар” А сериясы клубынан ірі есеппен жеңілді
Футбол
Бүгін қызылордалық “Қайсар” футбол клубы Түркиядағы оқу-жаттығу жиындары аясында Италияның А сериясында өнер көрсететін “Сампдория” командасымен кездесіп, жеңіліс тапты, деп хабарлайды BasSport.kz тілшісі.
Жолдастық матч есебін сампдориялықтар ашты және бірінші тайм 0:1 көрсеткішімен аяқталған. Ал ойынның екінші бөлігінде италиялық клуб есепті ұлғайтып, ойын 0:3 есебімен аяқталды. Сөйтіп, қазақстандық клуб қарсыласына бірде-бір гол соға алмай жеңіліс тапты.
Еске салайық, өткен маусымда Қазақстанның Бірінші лигасында екінші орын иеленген “Қайсар” 2023 жылы Премьер-Лигада бақ сынауға мүмкіндік алған.