Спорттық гимнастикадан ӘЧ-де бақ сынайтын қазақстандықтар белгілі болды
Басқа
ҰОК
Спорттық гимнастикадан Нидерландтың Роттердам қаласында өтетін әлем чемпионатына қатысатын Қазақстан құрамасының тізімі анықталды, деп хабарлайды Bassport.kz ҰОК-ге сілтеме жасап.
Дүбірлі додада ел намысын алты гимнаст қорғайды. Атап айтқанда Нариман Курбанов, Милад Карими, Дмитрий Патанин, Ильяс Азизов, Нуртан Идрисов, Роман Хегай бақ сынайды.
Бұл бәсекеде 2028 жылы Лос-Анджелесте өтетін Олимпиада ойындарына арналған алғашқы командалық жолдамалар сарапқа салынады.
Айта кетейік, әлем біріншілігі 17-25 қазан аралығында өтеді.