Әлем Кубогі: Шорт-тректен Қазақстанның ерлер құрамасы күміс жүлдегер атанды
Қысқы спорт
Шорт-тректен Қазақстан ерлер құрамасы жаңа маусымда жүлдемен бастап отыр. Біздің спортшылар командалық эстафетада көзге түсті, деп хабарлайды Bassport.kz.
Канаданың Монреаль қаласындағы Әлем кубогының бірінші кезеңінде 5000 метрлік эстафета жарысында Қазақстан командасы күміс жүлдегер атанды.
Әділ Ғалиахметов, Абжал Әжғалиев, Нұртілек Қажғали, Денис Никиша төрттігі берілген қашықтықты 7:07.972 уақытта өтті.
Бірінші орынды иеленген Корея құрамасының көрсеткіші - 7:01.850. Үздік үштікті жарыс қожайындары канадалық спортшылар қорытындылады.
Олардың уақыт көрсеткіші - 7:12.997.
Осыдан бес жыл бұрын 2017 жылғы Әлем Кубогында Қазақстанның ерлер құрамасы эстафетада қола алған еді.