Түркістандық дзюдошы әлем чемпионы атанды
Дзюдо
Болгарияның София қаласында жасөспірімдер арасында өткен дзюдодан әлем біріншілігінде 60 келі салмақта Түркістан облысы, Төлеби ауданының спортшысы Батырғали Ернұр топ жарып, чемпион атанды.
Ернұр – Түркістан облысының тарихында дзюдо спортынан алғаш рет әлем чемпионы атанған спортшы. Бұл жетістік – өңір спорты үшін зор мақтаныш әрі үлкен қуаныш.
Жас спортшының жеңісі табандылық пен қажырлы еңбектің жемісі. Оның осы биікке жетуіне атсалысқан бапкерлеріне, ата-анасына және спортты дамытуға үлес қосқан барлық азаматтарға алғыс айтылады.