Қазақстан құрамасы 2026 жылғы әлем чемпионатына іріктеуде турнир кестесінде нешінші орында?
KFF
2026 жылғы футболдан әлем чемпионатына іріктеу кезеңінің J тобы аясындағы матчтардан кейін Қазақстан құрамасы турнир кестесінде төртінші орынға түсіп қалды, деп хабарлайды Bassport.kz.
Астана Аренада өткен ойында Қазақстан құрамасы Солтүстік Македониядан 0:1 есебімен жеңіліп қалды. Қонақтардың жалғыз голын 33-минутта Александар Трайковски соқты.
Осы кездесуден кейін топтағы тағы бір маңызды матч — Бельгия мен Уэльс құрамалары арасындағы кездесу нағыз драмалық спектакльге айналды. Бельгиялықтар алғашқы таймда 3:0 есебімен алға шыққанымен, уэльстіктер есепті теңестіріп үлгерді. Дегенмен, Кевин Де Брюйне 88-минутта шешуші гол соғып, Бельгияға 4:3 есебімен жеңіс сыйлады.
Осы нәтиже нәтижесінде Қазақстан құрамасы үшінші орыннан төртінші орынға төмендеді.
Турнирлік кесте (J тобы):
1. Солтүстік Македония — 8 ұпай (4 матч)
2. Уэльс — 7 ұпай (4 матч)
3. Бельгия — 4 ұпай (2 матч)
4. Қазақстан — 3 ұпай (3 матч)
5. Лихтенштейн — 0 ұпай (3 матч)