Жәнібек Әлімханұлы Канеломен қашан жекпе-жек өткізетінін хабарлады
Әлеуметтік желі
IBF және WBO тұжырымдары бойынша орта салмақтағы әлем чемпионы Жәнібек Әлімханұлы (17-0, 12 KO) алдағы жоспарларымен бөлісіп, болашақ қарсыластарының есімін атады, деп хабарлайды Bassport.kz.
32 жастағы қазақстандық былғары қолғап шебері 5 сәуір күні IBF рейтингіндегі жетінші нөмірлі француз Анауэль Нгамиссенгеге (14-1, 9 KO) қарсы кездесу өткізіп, чемпиондық атақтарын сәтті қорғап қалды. Бірақ Әлімханұлы жыл соңына дейін тағы бір кездесу өткізбек.
Оның басты мақсаты - WBC чемпионы, доминикандық Карлос Адамеспен (24-1-1, 18 KO) жекпе-жек өткізу.
«Биыл Карлосты құлатып, үшінші белбеуді иемденемін. Одан кейін Лараны зейнетке шығарамын. Ал келесі жылдың мамыр айында Канеломен жұдырықтасып, екі салмақта абсолют чемпион боламын!», – деп жазды Әлімханұлы X (бұрынғы Twitter) парақшасында.
This year, I’m taking Carlos down and grabbing my third title. Then I’ll retire Lara. And in May next year, I’m stepping in with Canelo to become the undisputed champion of both divisions! Inshallah! pic.twitter.com/PajjlzjXSB
— Janibek Alimkhanuly (@qazaqstyle) May 9, 2025