Криштиану Роналду «Реалға» қайта оралады
Футбол
Ашық деректерден
Португалиялық жұлдыз Криштиану Роналду мансабын аяқтағаннан кейін “Реалға” қайта оралуы мүмкін екенін меңзеді, деп хабарлайды Bassport.kz Euro-football.ru дерегіне сүйене отырып.
Журналист Эду Агирре Роналдудан мадридтік клубқа қайта оралуы туралы сұрағанда, футболшы:
“Мансабымды аяқтаған соң оралуым мүмкін. “Реалда” өткізген кезең – менің футболдағы ең бақытты сәттерім”, – деп жауап берген.
Айта кетейік, Криштиану Роналду 2009-2018 жылдар аралығында “Реал” сапында ойнап, клуб тарихындағы ең үздік бомбардир атанды. Қазіргі таңда ол Сауд Арабиясының “Аль-Наср” клубында өнер көрсетуде.