Қазақстан ұлттық құрамасының бас бапкерінің есімі белгілі болды
KFF
Қазақстан футбол федерациясының хабарлауынша, ұлттық құраманың бас бапкерінің міндетін атқарушы Әли Әлиев болды.
Әлиев 1980 жылы Алматы қаласында дүниеге келген. Ол футболшы ретінде Қазақстанның «Қайрат», «Тобыл», «Ордабасы», «Қызылжар» сияқты клубтарында өнер көрсеткен. Сондай-ақ Түркияның бірнеше командасында ойнаған. 1999 жылы Қазақстан жастар құрамасының сапында әлем чемпионатына қатысқан, ал 2002 жылы ұлттық құрамада алғашқы матчына шыққан.
Бапкерлік мансабын 2014 жылы «Ордабасыда» бастаған. 2018 жылы «Қызылжар» командасын Қазақстан Премьер-лигасына шығарды. 2021 жылы «Шахтер» (Қарағанды) клубын басқарды, кейін «Астана» клубының жастар құрамасының бас бапкері болды. 2022 жылы «Қызылжарға» қайта оралып, клубты УЕФА Конференциялар лигасының үшінші іріктеу кезеңіне дейін жеткізді.
Оның көмекшілері болып Нұрбол Жұмасқалиев пен Елдос Ахметов тағайындалды.
Нұрбол Жұмасқалиев – Қазақстан Премьер-лигасы тарихындағы ең үздік сұрмерген. Ол 526 матчта 167 гол соққан. 2001-2014 жылдар аралығында ұлттық құрамада ойнап, 58 кездесуге қатысқан. 2021-2023 жылдары Қазақстан жастар құрамасының бапкерлік штабында қызмет етті.
Елдос Ахметов 2012-2022 жылдар аралығында ұлттық құрама намысын қорғады. 2024 жылы Қазақстан жастар құрамасының бапкерлік штабына қосылып, сол жылдың қазан айында ұлттық құрама бапкерлер құрамына енгізілді.