«Ордабасы» өз алаңындағы ойындарын Түркістанда өткізеді
Футбол
ФК “Ордабасы”
Шымкенттің «Ордабасы» футбол клубы өз алаңындағы матчтарын Түркістанда өткізеді, деп хабарлайды BasSport.kz,Meta-ratings.kz-ке сілтеме жасап.
Бұл өзгеріс Қажымұқан атындағы стадионның қайта жаңарту жұмыстарына байланысты қабылданды. Енді команда өз ойындарын «Түркістан Аренада» өткізеді. Бұл стадионда сондай-ақ «Тұран» клубы да өнер көрсетеді. Бұған дейін екі команда Шымкенттегі стадионды бірге пайдаланған болатын.
Айта кетейік, биыл «Ордабасы» Конференциялар лигасына қатысады. Дегенмен, еурокубок ойындарын қайда өткізетіні әлі белгісіз.