Бублик пен Кукушкин Франциядағы АТР-250 турниріне қатысады
Теннис
ҰОК
Францияның Монпелье қаласында хард төсенішінде өтетін АТР-250 сериялы турнирі басталды.
Жарысқа Қазақстанның екі өкілі – Александр Бублик пен Михаил Кукушкин қатысады.
Биыл Александр Бублик турнирдегі жолын екінші айналымнан бастайды. Қазақстанның бірінші ракеткасы ширек финалға шығу үшін неміс Доминик Кёпфермен кездеседі. Кёпфер бірінші айналымда франциялық Грегуар Баррерді 6:4, 7:6 есебімен жеңген болатын.
Ал Михаил Кукушкин алғашқы айналымда грузин теннисшісі Николоз Басилашвилимен ойнайды. Басилашвили турнирдің негізгі бөлігіне іріктеу арқылы өтті.
Айта кетейік, Александр Бублик бұл турнирде чемпиондық атағын қорғауы қажет. Өткен жылы ол финалда хорватиялық Борна Чоричті 5:7, 6:2, 6:3 есебімен жеңіп, турнир жеңімпазы атанған еді.