Жәнібек Әлімханұлы: “Чемпиондар ойынды басқа ережемен ойнай бастады! Қорқақтар мен бизнесмендер!”
Бокс
Әлеуметтік желі
Орта салмақта WBO және IBF тұжырымдары бойынша әлем чемпионы Жәнібек Әлімханұлы дивизионындағы басқа чемпиондарды сынға алды, деп хабарлайды Bassport.kz.
«Менде титул болмаған кезде, чемпион емес кезімде барлық чемпиондар бір-бірімен жұдырықтасады деп ойлайтынмын. Ал мен чемпион болғанда, дивизионымдағы чемпиондар ойынды басқа ережемен ойнай бастады! Қорқақтар мен бизнесмендер!» – деп жазды Жәнібек Instagram (stories) әлеуметтік желісіндегі парақшасында.
Еске салайық, Жәнібек Әлімханұлы соңғы жекпе-жегін қазан айында Сиднейде (Австралия) өткізіп, тоғызыншы раундта Жаңа Зеландия өкілі Андрей Михайловичті техникалық нокаутпен жеңген болатын.