Дастан Сатпаев «Челсиге» ауысады
Футбол
ФК “Қайрат”
Алматылық «Қайраттың» және Қазақстанның жасөспірімдер құрамасының шабуылшысы Дастан Сатпаев мансабын Лондонның «Челси» клубында жалғастырады, деп хабарлайды BasSport.kz, Meta-Ratings сайтына сілтеме жасап.
Лондондық клуб жас талантқа қатысты түпкілікті шешім қабылдады. «Қайрат» пен «Челси» арасында трансфер рәсімделетін болды. Сатпаевтың «Челсиге» ауысуы келесі аптада жүзеге асады деп күтілуде.
Алайда футболшы 18 жасқа толмағандықтан, трансфердің толық егжей-тегжейі әзірге белгісіз.
Еске сала кетейік, Қазақстанның U-19 құрамасының шабуылшысы Дастан Сатпаев желтоқсан айында «Челси» клубының қарауында болған еді.