«Қазақстан тарихына енді». Черчесов 2025 жылдың басты оқиғаларының біріне айналады
Футбол
Kazfootball
Euro-football.ru сайты 2025 жылы футбол әлеміндегі ең күтілетін оқиғалардың рейтингін ұсынды. Бұл тізімге Қазақстан құрамасының бас бапкері Станислав Черчесовтің қызметінен кетуі туралы ықтимал оқиға да кіргенін Bassport.kz хабарлайды.
Ресейлік маманның отставкасы рейтингте екінші орынға ие болды. Бірінші орынды «Ливерпуль» шабуылшысы Мұхаммед Салахтың «Алтын доп» иегері бола ма деген сұрақ алды.
Черчесовті қызметінен ала ма?
Станислав Черчесов өзінің афоризмдері мен берік сенімділігімен танымал, бірақ Қазақстан тарихына ол ойлағандай емес, мүлдем басқа жолмен енді. Бес жеңілісі және 0:15 жалпы гол айырмасы. Ол ешкім қайталағысы келмейтін рекорд орнатты.
Алайда жергілікті журналистің айтуынша, Қазақстан футбол федерациясының жаңа президенті Марат Омаров бұл шоудың аяқталу уақыты келгенін шешкен сияқты. Черчесовтің орнынан кетуі мүмкін, ал оның орнына «футбол» сөзін қазақ тілінде айта алатын адам келеді», — делінген мақалада.