Елдос Сметов ағылшын тілін үйрену үшін Лондонға кетті
Дзюдо
Әлеуметтік желі
Париж-2024 Олимпиадасының чемпионы, танымал дзюдошы Елдос Сметов Ұлыбритания астанасы Лондонға аттанды, деп хабарлайды BasSport.kz.
Әлеуметтік желідегі ақпаратқа сәйкес, спортшыны әуежайдан достары мен туыстары шығарып салған.
Сметов Лондонға жұбайымен бірге жол тартқан. 2024 жылы Елдос Сметов жапондық дзюдошы Наохиса Такатомен достығы жайлы айтып, ағылшын тілін жетік білмегендіктен онымен толыққанды сөйлесе алмай жүргенін мойындаған еді.
«Болашақта Такатомен еркін сөйлесеміз деп ойлаймын. Қазір ағылшын тілін меңгеріп жүрмін. 2025 жылдың басында Лондонға төрт айға кетемін. Ол жақта ағылшын тілін жетілдіремін», — деген болатын спортшы.
Сонымен қатар, белгілі дзюдошы Халықаралық дзюдо федерациясына (IJF) ағылшын тілінде сұхбат беруді жоспарлап отыр.