Иван Дычко WBA рейтингінен шығып қалды
Бокс
Изтургана Алдауева
Қазақстандық боксшы Иван Дычко Бүкіләлемдік бокс қауымдастығының (WBA) рейтингінен шығып қалды, деп хабарлайды BasSport.kz.
Kaz.nur.kz мәліметі бойынша, осыған дейін ауыр салмақ дәрежесіндегі WBA рейтингінде 14-орында тұрған Иван Дычко жаңартылған рейтингте тізімге енбеді.
Айта кетейік, 27 желтоқсанда Алматыда өткен All Stars Boxing кешінде Иван Дычко ресейлік Виталий Кудуховпен жұдырықтасуы керек еді. Бірақ Иван Дычко спарринг барысында иығынан жарақат алып қалуына байланысты жекпе-жек кейінге шегерілді.
Иван Дычко соңғы рет кәсіпқой рингке 21 тамызда АҚШ-тың Флорида штатындағы Плант-Сити қаласында шыққан болатын. Бұл кездесуде қазақстандық боксшы америкалық Крейг Льюисті екінші раундта нокаутпен жеңді.