Қаршыға Дәуітбек жапонның ең атақты файтерлерінің бірін жеңді
Әлеуметтік желі
Жапонияның Rizin промоушенінде өнер көрсететін қазақстандық файтер Қаршыға Дәуітбек кезекті жекпе-жегін сенімді жеңіспен аяқтады, деп хабарлайды BasSport.kz 1bol-ға сілтеме жасап.
Сайтама қаласында өткен Rizin 49 турнирінде Қаршыға Жапонияның кикбокс жұлдызы Рен Сугиямамен төбелесті. Ya-Man лақап атымен танымал Сугияма кикбокстың әлемдік рейтингінде үздік бестікке кіргенін айта кету керек.
Үш раундқа жоспарланған жекпе-жең соңына дейін жалғасып, төрешілер жеңісті Қаршығаға берді. Бірінші және екінші раундта файтерлер аяқта жүріп төбелессе, үшінші раундта Қаршыға өзінің партерде де мықты екенін тағы бір дәлелдеді. 31 жастағы қазақ файтері аралас жекпе-жекте барлығы 20 жекпе-жек өткізіп, оның 17-де жеңіске жетті.
Соңғы тоғыз жекпе-жекте ол мүлдем жеңіліп көрмесе, жетеуінде мерзімінен бұрын ұтқан.