Елена Рыбакина Қазақстанға United Cup турнирінде алғашқы жеңісін әкелді
Теннис
KFF
Қазақстандық теннисші Елена Рыбакина Австралияда өтіп жатқан United Cup аралас командалық турнирінде ел қоржынына алғашқы жеңісті салды, деп хабарлайды BasSport.kz.
Ол испан спортшысы Джессика Бусас Манейраны 1 сағат 19 минут ішінде 6:2, 6:3 есебімен жеңді.
Бұған дейін Қазақстан мен Испания арасындағы алғашқы кездесуде елдің екінші ракеткасы Александр Шевченко испандық Пабло Каррено-Бустадан 2:6, 1:6 есебімен жеңіліп қалған болатын.
Енді екі ел арасындағы матчтың тағдыры шешуші аралас жұптар кездесуінде анықталатын болады.