Қазақстандық сәйгүлік Дубайдағы беделді ат жарысында жеңіске жетті (ВИДЕО)
Басқа
Тікелей эфирден кадр
Ақтөбелік атбегі Марат Күшеровтың екі жасар сәйгүлігі Нугул Dubai Racing Club жарысында 1200 метр қашықтықта мәреге бірінші болып жетті, деп хабарлайды Bassport.kz Alga Peterburg сілтеме жасап.
“Екі жасар сәйгүлік Нугул 1200 метр қашықтықта өткен жарыста жеңіске жетті. Қызығы, Нугүл АҚШ-та туғанымен, оның бойында қазақы мінез бар екені анық. Жарыс барысында ол фавориттерден 200 метрге артта қалғанымен, өз намысын қайрап, қарсыластарын да, көрермендерді де таңғалдырып, мәреге бірінші болып жетті! Ең қызығы, Нугулдің иесі – Ақтөбеден шыққан атбегі Марат Күшеров. Ол 20 жылдан астам уақыт бойы жылқы өсірумен айналысады. Бұған дейін аты аңызға айналған Кабирханның да әлеуетін алғаш танып, оны үлкен жетістіктерге жеткізген дәл осы Марат Күшеров еді”, – делінген хабарламада.