Қазақстан футзалдан Еуро-2026 іріктеу кезеңінде жеңіске жетті
Футзал
ҚФФ
Тиранада футзалдан 2026 жылғы Еуропа чемпионатының іріктеу кезеңінің матчы өтті.
Ойын барысында Албания құрамасы Қазақстанды қабылдап, матч 2:0 есебімен қазақстандықтардың жеңісімен аяқталды.
5-минутта Лео есеп ашса, 39-минутта Әкежол Дарибай матчтың соңғы нүктесін қойды. Осылайша, Қазақстан құрамасы негізгі кезеңді жеңіспен бастады.
Қазақстанның 6-топтағы басқа қарсыластары — Армения және Дания құрамалары. Рикардо Кака жаттықтыратын команда келесі ойынын 18 желтоқсанда Алматыда Армения құрамасына қарсы өткізеді.
Іріктеу турнирінің регламентіне сәйкес, топта бірінші орынды иеленген команда ғана турнирдің финалдық кезеңіне жолдама алады.