Оразбек Асылқұлов бокстан Азия чемпионатының күміс жүлдегері атанды
Бокс
ҚБФ
Таиландтың Чиангмай қаласында өткен бокстан 2024 жылғы Азия чемпионатының финалында Қазақстан құрамасының мүшесі Оразбек Асылқұлов 57 кг салмақ дәрежесінде өзбекстандық әлем чемпионы, Азия ойындарының жеңімпазы Миразизбек Мирзахалиловпен кездесті.
Алғашқы раундта төрешілер бірауыздан жеңісті қазақстандыққа берсе, екінші үш минуттықта есеп 5:0 нәтижесімен өзбек боксшысының пайдасына шешілді. Үш раундтың қорытындысы бойынша төрешілер бірауыздан жеңісті Мирзахалиловқа беріп, ол алтын медальды иеленді.
Оразбек Асылқұлов Азия чемпионатының күміс жүлдегері атанды.
Бұған дейін финалдық жекпе-жектерде Санжар Тәшкенбай (48 кг) күміс жүлде алса, Махмұд Сабырхан (54 кг) алтын медаль жеңіп алған болатын.