Әбиба Әбужақынова: “Елдос Сметов өзін дәлелдеп тастаған спортшы”
Дзюдо
Видеодан кадр
Дзюдодан әлем чемпионатының, Азия ойындарының, Азия біріншілігінің және Grand Slam турнирлерінің жүлдегері Әбиба Әбужақынова спорт журналисі Ақырыс Сейітқазыға берген сұхбатында Елдос Сметовты қазақ спорты тарихында орны бар аңыз тұлға деп атады. Ол Сметовтың қайсар мінезін ерекше атап өтіп, оны өз ісінің шебері ретінде бағалайтынын айтты.
«Елдосты аңыз адам деп айта аламын. Ол маған: “Олимпиадада алтын алуым керек, және мен ол алтынды аламын” деп айтқан болатын. Оның қайсар, қайтпас мінезін өз бойыма сіңіріп келемін. Ол психологиялық тұрғыдан өте мықты. Нәтижесінде Олимпиадада алтын алып, өз сөзінде тұрды. Мен оны өзін дәлелдеген спортшы ретінде қабылдаймын», – деді Әбужақынова.
Айта кетейік, Париж Олимпиадасының алтын жүлдегері Елдос Сметов жақында жаттығу процесіне қайта қосылды.