Қазақ қыздары хоккейден қола алды
Қазақстан Хоккей Федерациясы
Қазақстан әйелдер құрамасы хоккейден Азия чемпионатында қола медаль иегері атанды, деп хабарлайды Bassport.kz
Бүгін Бейжіңде әйелдер командалары арасындағы хоккейден Азия чемпионаты аяқталды. Үшінші орын үшін Қазақстан мен Корея құрамалары кездесті. Бұған дейін Қазақстан мен Корея командалары Жапония және Қытай құрамаларынан ұтылып, финалға өте алмады. Осылайша, бұл кездесу екі құраманың арасында үшінші орынды анықтайтын шешуші ойын болды.
Үшінші кезең аяқталғаннан кейін есеп 4:4 болды. Овертаймда да командалар жеңімпазды анықтай алмады. Нәтижесінде, ойыннан кейінгі буллиттер сериясында Қазақстан құрамасы жеңіске жетті.
Айта кетерлігі, ойын барысында Қазақстан құрамасы 4:1 есебімен алда тұрғанымен, қарсыластарына жеңісті беріп қоя жаздады.