Паралимпиада ойындарында түркістандық қос спортшы пара каноэден жартылай финалға өтті
Басқа
Түркістан облысы әкімінің баспасөз қызметі
Түркістан облысының спортшылары Жаныл Балтабаева мен Спатай Бибарыс пара каноэден 200 метр қашықтықта іріктеу кезеңдерінен сәтті өтіп, жартылай финалға жолдама алды. Бұл туралы Bassport.kz Түркістан облысының Өңірлік коммуникациялар қызметіне сілтеме жасап хабарлайды.
Жаныл Балтабаева 200 м қашықтыққа VL3 класында сынға түсіп, 1:04.72 нәтижесімен іріктеуден сәтті өтті. Енді ол 7 қыркүйек күні, Астана уақыты бойынша 13:49-да өтетін жартылай финалда өнер көрсетеді.
Спатай Бибарыс KL2 класында 200 м қашықтықты 48.50 секунд нәтижесімен өтіп, жарыс жолын жалғастырады. Оның жартылай финалы да 7 қыркүйек күні, Астана уақыты бойынша 13:14-де өтеді.