Париж-2024: Шевченко 18 жастағы теннисшіден жеңілді
Теннис
ҚТФ
Қазақстанның екінші, әлемнің 58-ракеткасы Александр Шевченко Париж Олимпиадасының алғашқы айналымынан аса алмады, деп хабарлайды Bassport.kz Kazinform-ға сілтеме жасап.
Қазақстандық теннисші дүниежүзілік рейтингіде 81-орында тұрған 18 жастағы чехиялық Якуб Меншикпен кортқа шықты.
Бірінші партияда Меншик 3:0 есебімен алға кетіп, сол басымдылықты сақтап қалды – 6:3. Екінші сетте есеп 2:2 болған мезетте чехиялық спортшы брейк жасап кеткенімен, Шевченко сол бойда қарымта қайырды – 3:3. Бірақ Меншик тағы бір брейкке қол жеткізіп, матчқа доп бергенде, мүмкіндігін жіберген жоқ – 6:4.
Бір сағаттан астам уақытқа созылған матчта Шевченко 2 эйс, 1 брейкпен шектелді. Меншик 3 эйс, 3 брейкпен (10 брейк-пойнт) көзге түсті.