Қазақстандық пара дзюдошылар 10 лицензияға ие болды
![Қазақстандық пара дзюдошылар 10 лицензияға ие болды | BASSPORT Қазақстандық пара дзюдошылар 10 лицензияға ие болды](https://bassport.kz/storage/2024/07/23/dLweG3oq6kIdYY1LWx4SgqqjgaSWNssou5v0DDaU.jpg)
Спорт дирекциясы
8 тамыз бен 8 қыркүйек аралығында Парижде өтетін XVII жазғы Паралимпиада ойындарында ел намысын он пара дзюдошы қорғайтын болды, деп хабарлайды BasSport.kz Kazinform-ға сілтеме жасап.
Дене мүмкіндіктері шектеулі тұлғаларға арналған спорттық даярлау орталығынан мәлім еткеніндей, төртжылдықтың басты додасына төмендегі спортшылар жолдама алды.
Әйелдер арасында: Ақмарал Науатбек, 48 кг (J2), Даяна Федосова, 57 кг (J2), Аяла Мереке, 70 кг (J2), Зарина Райфова, +70 кг (J2), Альфия Тілекқабыл, 57 кг (J1).
Ерлер: Ерғали Шамей, 73 кг (J1), Бауыржан Арыстанбеков, 90 кг (J1), Ерлан Өтепов, +90 кг (J1), Жүрқамырза Шүкірбеков, +90 кг (J2), Ғалымжан Смағұлұлы, 90 кг (J2).
Қазіргі уақытта Қазақстан спорттың 9 түрі бойынша 32 лицензия жеңіп алды: пара пауэрлифтинг (5), пара жеңіл атлетика (3), пара жүзу (4), волейболды отырып ойнау (1), пара үстел теннисі (1), пара таэквондо (3), пара каноэ (2), пара оқ ату (2) және пара дзюдо (10).