Отандық киберспортшылар жылды сәтті бастады
Киберспорт
CS:GO дисциплинасындағы кәсіби қазақстандық киберспортшылар Тимур «Buster» Төлепов пен Алексей «Qikert» Голубев өз командасымен бірге жылды жеңіспен бастады, - деп хабарлайды Bassport.kz тілшісі.
Отандастарымыз өнер көрсететін ресейлік «Virtus.pro» ұйымы ESL Challenger #48 турнирінде жеңіске жетті. Финалда олар бразиялиялық «FURIA Esports» командасын ойсырата ұтты.
ESL Challenger #48 турнирі 11-13 ақпан аралығында онлайн режимде өткен еді.
Команда құрамындағы ресейліктер Джами Али, Евгений Лебедев, латыш Марекс Галинскис те жақсы статистикамен көзге түсті. Осылайша «Virtus.pro» 50 000 доллар және ESL Pro League конференциясының 16 маусымында слотқа ие болды.
Атап өтейік, турнирде өзінен басқа әлемдік ТОП-10-дықтан еш команда болмағандықтан, фаворит ретінде саналған «Virtus.pro» комнадасының жеңісі таңғалдырмауы тиіс.
Бұл жыл басынан бергі отандастарымыздың алғашқы жеңісі емес. Жуырда ғана ең әйгілі киберспортшылардың бірі, тәжірибелі Абай «Hobbit» Хасеновтың «Gambit Esports» командасы (әлемдік рейтингте 2-інші) Funspark ULTI 2021 CS:GO турнирін ұтып, 150 000 доллар жеңіп алған болатын. Олар финалда тағы бір жерлесіміз Виктор «Lack1» Болдырев ойнайтын «Entropiq» командасынан (әлемдік рейтингте ондықта) басым түсті.
Ал қазақстандық «K23» командасы 2022 жылды Pinnacle Winter Series турнирінің жеңімпазы атанып бастаған. Әлемдік үздік жиырмалыққа енді ғана кіріп жүрген команданың капитаны – Санжар «Nealan» Ысқақов. Ол командаластарымен бірге 40 000 АҚШ долларын және Белградта (Сербия) өтетін Sweet LAN турниріне жолдама алды.
Hltv әлемдік рейтингінің отыздығында өнер көрсететін барлық отандастарымыз – әзірге осы 5 жігіт. Бұл салыстырмалы түрде – жыл басындағы шағын турнирлер. Жүлде қоры жүздеген мың долларды құрайтын ірі турнирлер енді-енді басталмақ. Отандастарымыздың командалары сол жарыстардан дәмелі, өйткені ең үздік қарсыластар соған қатыспақ. Ойыншылар турнирлердің бірқатарын онлайн емес, кәдімгідей LAN-режимде, яғни студияларда немесе тіпті үлкен ареналарда өтеді деп күтуде.
Мерей Ермұханов
Команда құрамындағы ресейліктер Джами Али, Евгений Лебедев, латыш Марекс Галинскис те жақсы статистикамен көзге түсті. Осылайша «Virtus.pro» 50 000 доллар және ESL Pro League конференциясының 16 маусымында слотқа ие болды.
Атап өтейік, турнирде өзінен басқа әлемдік ТОП-10-дықтан еш команда болмағандықтан, фаворит ретінде саналған «Virtus.pro» комнадасының жеңісі таңғалдырмауы тиіс.
Бұл жыл басынан бергі отандастарымыздың алғашқы жеңісі емес. Жуырда ғана ең әйгілі киберспортшылардың бірі, тәжірибелі Абай «Hobbit» Хасеновтың «Gambit Esports» командасы (әлемдік рейтингте 2-інші) Funspark ULTI 2021 CS:GO турнирін ұтып, 150 000 доллар жеңіп алған болатын. Олар финалда тағы бір жерлесіміз Виктор «Lack1» Болдырев ойнайтын «Entropiq» командасынан (әлемдік рейтингте ондықта) басым түсті.
Ал қазақстандық «K23» командасы 2022 жылды Pinnacle Winter Series турнирінің жеңімпазы атанып бастаған. Әлемдік үздік жиырмалыққа енді ғана кіріп жүрген команданың капитаны – Санжар «Nealan» Ысқақов. Ол командаластарымен бірге 40 000 АҚШ долларын және Белградта (Сербия) өтетін Sweet LAN турниріне жолдама алды.
Hltv әлемдік рейтингінің отыздығында өнер көрсететін барлық отандастарымыз – әзірге осы 5 жігіт. Бұл салыстырмалы түрде – жыл басындағы шағын турнирлер. Жүлде қоры жүздеген мың долларды құрайтын ірі турнирлер енді-енді басталмақ. Отандастарымыздың командалары сол жарыстардан дәмелі, өйткені ең үздік қарсыластар соған қатыспақ. Ойыншылар турнирлердің бірқатарын онлайн емес, кәдімгідей LAN-режимде, яғни студияларда немесе тіпті үлкен ареналарда өтеді деп күтуде.
Мерей Ермұханов