Қазақстан алғаш рет бадминтоннан Олимпиада лицензиясын алды
![Қазақстан алғаш рет бадминтоннан Олимпиада лицензиясын алды | BASSPORT Қазақстан алғаш рет бадминтоннан Олимпиада лицензиясын алды](https://bassport.kz/storage/2024/04/17/n6YCExTXBNoqMfUsy1jqGpEmKJDrWxzqdipuECL0.jpg)
Басқа
Бадминтоннан Ұлттық құрама спортшысы Дмитрий Панарин Париж Олимпиадасының жолдамасына иелік етті, деп хабарлайды Спортты дамыту дирекциясының баспасөз қызметі.
Дмитрий олимпиадалық рейтингте 25005 ұпаймен 31-орынға тұрақтады. Сондай-ақ Қазақстан командалық есепте алғашқы 25 елдің қатарына кірді. Қостанайлық спортшы бадминтоннан барлық санаттағы олимпия ойындарында сынға түскен тұңғыш қазақстандық болмақ.
Ол осыған дейін 2018 жылы Аргентина астанасы Буэнос-Айресте өткен жасөспірімдер Олимпиадасында сынға түскен.
Ендігі кезек ересектер арасындағы басты бәсекеге келді. Қазір Қазақстан делегациясында 13 спорт түрінен 33 лицензия (31 спортшы) бар.
Фото: Сали Сабиров