Жібек Құламбаева Таиландтағы турнирдің жартылай финалынан сырт қалды
![Жібек Құламбаева Таиландтағы турнирдің жартылай финалынан сырт қалды | BASSPORT Жібек Құламбаева Таиландтағы турнирдің жартылай финалынан сырт қалды](https://bassport.kz/storage/2024/02/23/wUMOUDevYb82OnAUUVVYIPv94iMiqsyolRgyeasH.webp)
Теннис
Қазақстандық, әлемнің 491-ракеткасы Жібек Құламбаева Таиландтағы ITF турнирінің жартылай финалына шыға алмады.
Қазақстандық теннисші ширек финалда әлемнің 486-ракеткасы, бельгиялық Клара Власселармен кездесті. Бірінші партияда Жібек басымдылық танытты – 6:2. Алайда сол қарқынын жалғастыра алмады - 4:6, 4:6.
К.Власселар финалға шығу үшін әлемнің 457-ракеткасы, жапониялық Саки Имамурамен таласады. Ол рейтингіде 613-орындағы қытайлық Чжэн Вушуаньды жолдан тайдырды – 7:6 (7:5), 6:2.
Еске сала кетейік, бұдан бұрын қазақстандық теннисшінің АҚШ-тағы турнирдің ширек финалына өткенін жазған болатынбыз. Александр Недовесов Мексикада жарыстың 1-ракеткасын ұтып, жартылай финалға шықты.