32 жылда Қазақстан алғаш рет еркін күрестен алтын алды
![32 жылда Қазақстан алғаш рет еркін күрестен алтын алды | BASSPORT 32 жылда Қазақстан алғаш рет еркін күрестен алтын алды](https://bassport.kz/storage/2023/09/18/c42u5s1hWegZm1rYyM6sigeZT72DouDzPtYpD2GM.jpg)
Сербия астанасы Белград қаласында күрес түрлерінен өтіп жатқан әлем чемпионатында еркін күрестен қазақ балуаны Ризабек Айтмұхан жеңімпаз атанды, деп хабарлайды BasSport.kz.
Жас балуан алдымен мажар Балаж Юхасты 13:3 есебімен жеңсе, одан кейін түркиялық Фейзулла Актюркті 11:0 есебімен тізе бүктірді. Ал жартылай финалда грузиялық Мириани Майсурадзеден басым түсті.
Ал финалда әзербайжандық Осман Нурмагомедовпен кездесті. Басында қарсыласы 2:0 есебімен алда тұрған. Сосын белдесу соңына қарай отандасымыз таразы басын теңестірді. Әзербайжан бапкер ортаға орамал тастап, челендж берген. Бірақ төрешілер олардың шағымын есепке алмады. Сөйтіп, Ризабек 3 ұпай берді. Қорытынды есеп - 5:2.
Бұл тәуелсіз Қазақстан елінің еркін күрестен алғашқы алтыны.
Ал грек-рим күресінен соңғы рет 1999 жылы бұйырған. Одан бері де 24 жыл өтіпті. Еркін күрестен бірнеше рет күміс медаль болды. Бірақ чемпион шыққан емес.