Бішкекте «Барселона» аңыздарымен» матч басталды
24.KG
Ойынның ашылу салтанатында Қырғызстан президенті Садыр Жапаров алдымен қырғыз халқын келе жатқан Тәуелсіздік күнімен құттықтап, сонан соң ат терлетіп Бішкекке арнайы келген «Барселона» аңыздарына алғысын айтты.
Құрметті отандастар, баршаңызды Тәуелсіздік күнімен құттықтаймын! Құрметті футболсүйер қауым, біздің мемлекетте тарихи іс-шара болып жатыр. Кеше Жалал-Абад «Барселона» академиясын ашып келдік. Бүгін Бішкекте «Барселона» академия құрылысының капсуласын салдық. Бұл болашақ ұрпақ үшін өте маңызды қадам екендігіне сенімдімін. «Барселона» президенті Лапорта мырзаға біздің елде академия ашып, жас футболшыларға үлкен мүмкіндік жасап жатқанына алғыс айтамын, - деді Жапаров.
Айта кетейік, Бішкек қаласында «Барселона» испан футбол клубы академиясының құрылысына капсула салды.
Бұл ойын Джалал-Абад қаласында Орталық Азия алғаш рет «Барселона» футбол клубы академиясының ашылу құрметіне арналып отыр. Бас төреші болып Өзбекстан футбол федерациясының вице-президенті Равшан Ирматов тағайындалды.