Садыр Жапаров бүгін Карлес Пуйольға қарсы ойнайды
Бүгін Қырғызстан астанасы Бішкек қаласында Испанияның «Барселона» клубының бұрынғы аңыз ойыншылары мен Азия елдерінің белгілі футбол ардагерлері арасында жолдастық кездесу өтеді, деп хабарлайды bassport.kz.
Бұл ойын Астана уақытымен 20:00-де Долон Өмірзақов атындағы стадионда болады.
Әзірге 2005 жылғы «Алтын доптың» иегері Роналдиньодың қатысу-қатыспауы белгісіз. Ол алаяқтыққа байланысты Бразилиядан шыға алмай жатыр. Ал өзге жұлдыздар келіп жеткен. Арасында Ривалдо, Карлес Пуйоль, Жулиано Белетти, Эдгар Давидс, Франческо Коко, Людовик Жюли, Рональд де Бур, Хавьер Савиола, Альберт Хоркера бар.
«Азия аңыздары» құрамасында Қазақстаннан Самат Смаков пен Андрей Карпович өнер көрсетеді. «Азия аңыздары» құрамасы ойынына Қырғызстан Президенті Садыр Жапаровтың қатысуы жоспарланған.
Бұл ойын Джалал-Абад қаласында Орталық Азия алғаш рет «Барселона» футбол клубы академиясының ашылу құрметіне арналып отыр.
Бас төреші болып Өзбекстан футбол федерациясының вице-президенті Равшан Ирматов тағайындалды.