"Челси" Кулибалидің саудиялық клубқа ауысқанын мәлімдеді
Футбол
Getty Images
"Челсидің" сенегалдық қорғаушысы Калиду Кулибали саудиялық "Әл-Хилальге" ауысты, деп хабарлайды bassport.kz тілшісі.
Бұқаралық ақпарат құралдары жазуынша, трансфер құны 20 млн еуро болған. Сенегалдық футболшы жаңа клубымен үш жылдық келісімшартқа қол қойған.
Еске салайық, Калиду Кулибали 2022 жылы "Челси" құрамын толықтырған. Ол лондондық клубпен 32 ойынға қатысып, екі гол соқты. Бұған дейін 32 жастағы спортшы италиялық "Наполи", бельгиялық "Генк" пен франциялық "Метц" намысын қорғаған.